HOME               AKTIVITETE               PUBLIKIME               INTEGRIMI               PYETJE & PERGJIGJE               BULETINE               RRETH NESH

TRAKTATI I LISBONËS HYN NË FUQI MË NJË DHJETOR Bashkimi Europian pret që Traktati i reformave të Lisbonës të hyjë në fuqi më 1 dhjetor pas nënshkrimit të presidentit çek Vaclav Klaus të martën, që i hoqi dhe pengesën e fundit për dokumentin që do të sjellë një influencë më të madhe globale për bllokun. Klaus nënshkroi dokumentin pas refuzimit që Gjykata Kushtetuese e vendit i bëri sfidës ligjore të ngritur ndaj tij. Ky ishte i vetmi nga 27 vendet anëtare që duhet të ratifikonte traktatin. Presidenca suedeze e radhës e BE tha se dëshironte që të gjithë detajet e mbetura të vendoseshin në vend që traktati të hynte në fuqi më 1 dhjetor të këtij viti. “Është tashmë absolutisht e qartë se Traktati i Lisbonës do të hyjë në fuqi së shpejti”,- tha Jose Manuel Barroso, president i organit ekzekutiv të Komisionit Evropian, në një deklaratë. Barroso tha më tej se rruga ishte tashmë e hapur për nisjen e konsultimeve për emërimin e një presidenti afat-gjatë që do të drejtojë Këshillin e liderëve të BE si dhe të përfaqësuesve të politikës së jashtme me kompetenca të rritura. “Kjo do të më lejojë mua që hap pas hapi të filloj procesin e emërimin të Komisionit të ri”,- tha Barroso. Ai do të zgjedhë përfaqësuesit nga vendet anëtare për formimin e komisionit të ri, trupit të fuqishëm rregullator, për një mandat pesëvjeçar, pas rizgjedhjes së tij muajin e kaluar. Traktati është dizenjuar për ta bërë më të lehtë vendim-marrjen në BE, të krijojë një president afat-gjatë të BE dhe t’i japë më shumë fuqi shefit të tij të politikës së jashtme.       Nentor 2009. Buletinin e plotë për muajin Shtator mund ta gjeni në format PDF duke klikuar këtu.

PROGRES-RAPORTI 2009, SHQIPËRIA NJË KANDIDAT POTENCIAL Shqipëria është një kandidat potencial për të hyrë në Bashkimin Evropian ndërsa sfidë mbeten konsolidimi i shteti të së drejtës dhe funksionimi i duhur i institucioneve shtetërore, kjo ishte pasqyra e progres-raportit të Komisionit Evropian për vitin 2009. Në të vlerësohen një sërë arritjesh për sa i përket aspektit politik si edhe roli konstruktiv në ruajtjen e stabilitetit në rajon. Vlerësohet gjithashtu se zgjedhjet e qershorit shënuan plotësimin e standardeve. Përparim është shënuar në përafrimin e legjislacionit, politikave si dhe kapacitetit me standardet evropiane. Ndërsa sfidat e Shqipërisë janë sundimi i ligjeve, luftën kundër korrupsionit dhe krimit të organizuar. Po ashtu është nënvizuar rëndësia e pavarësisë së institucioneve shtetërore, ku në veçanti përcaktohet sistemi gjyqësor. Mbi sfidën e integrimi në Bashkimin Evropian thuhet se KE do të përgatisë së shpejti opinionin mbi kërkesën e Shqipërisë e cila është dorëzuar në muajin prill të këtij viti. Në kuadër të liberalizimit të vizave thuhet se pjesa më e madhe e kërkesave janë plotësuar, ndërsa pritet që një gjë e tillë të përfitohet në mesin e vitit 2010. Pamja më e plotë mbi marrëdhëniet BE-Shqipëri është inkurajuese. Shqipëria nënshkroi një Marrëveshje Stabilizimi dhe Asociimi me BE në 12 qershor 2006. Zbatimi i MSA-së, e cila hyri në fuqi këtë vit, po ecën pa probleme në tërësi. Që nga marsi 2002, Komisioni Evropian i ka raportuar rregullisht Këshillit të Evropës dhe Parlamentit Evropian progresin e bërë nga vendet e rajonit të Ballkanit Perëndimor. Ky raportprogres kryesisht ndjek të njëjtën strukturë si në vitet e mëparshme.        Tetor 2009. Buletinin e plotë për muajin Gusht mund ta gjeni në format PDF duke klikuar këtu.

ZGJEDHJET E QERSHORIT SHËNUAN PROGRES Zgjedhjet parlamentare të 28 qershorit 2009 shënuan një progres të prekshëm për sa i përket regjistrimit të votuesve dhe procesit të identifikimit, kuadrit ligjor të miratuar në mënyrë konsensuale nga dy partitë kryesore në vend, për sa i përket votimit, numërimit dhe gjykimit të konflikteve zgjedhore. Këto përmirësime të konsiderueshme u zbehën nga politizimi i aspekteve teknike të procesit lidhur me numërimin e votave dhe hartimin e tabelave të rezultateve, gjë që përkohësisht bllokoi procesin e numërimit në disa zona, si edhe nga shkeljet e vëna re gjatë fushatës zgjedhore. Këto veprime të partive politike lëkundën besimin e publikut në procesin zgjedhor. Edhe pse përmbushën shumicën e angazhimeve ndaj OSBEsë, këto zgjedhje nuk realizuan plotësisht potencialin e Shqipërisë për t’iu përmbajtur standardeve më të larta për zgjedhje demokratike. Zhvillimi i zgjedhjeve demokratike varet gjithashtu, në një masë të madhe, nga angazhimi i të gjitha partive politike shqiptare për të respektuar ligjin dhe qëllimin e tij në detajin më të vogël, si dhe për t’i përmbushur detyrat e tyre zgjedhore në mënyrë të përgjegjshme me synim ruajtjen e integritetit të procesit. Zgjedhjet u zhvilluan sipas një Kodi të ri Zgjedhor Edhe pse përmbushën shumicën e angazhimeve ndaj OSBE-së, këto zgjedhje nuk realizuan plotësisht potencialin e Shqipërisë për t’iu përmbajtur standardeve më të larta për zgjedhje demokratike. Zhvillimi i zgjedhjeve demokratike varet gjithashtu, në një masë të madhe, nga angazhimi i të gjitha partive politike shqiptare për të respektuar ligjin dhe qëllimin e tij në detajin më të vogël, si dhe për t’i përmbushur detyrat e tyre zgjedhore në mënyrë të përgjegjshme.       Shtator 2009. Buletinin e plotë për muajin Shtator mund ta gjeni në format PDF duke klikuar këtu.

PIKNIKU QË NDIKOI NË NDRYSHIMIN E EUROPËS Angela Merkel, kancelaria e parë gjermane nga ish Gjermania Lindore, e lëvdoi Hungarinë për organizimin e asaj ngjarje të 20 viteve më parë, e cila çoi në rënien e murit të Berlinit dhe bashkimin e vendit të saj. Merkel tha se Pikniku mbarë- Europian i 1989, një demonstratë paqësore pranë kufirit austriak që gjermanët lindorë e shfrytëzuan për t'u arratisur drejt perëndimit, ishte me rrezik por tepër e guximshme. "Atë çka bënë hungarezët ishte e guximshme," shton Merkel në përvjetorin e kësaj ngjarjeje. "Dy kombe të skllavëruar i shembën muret e skllavërimit ... dhe ishin hungarezët ata që i dhanë krahë dëshirës së gjermano-lindorëve për liri. "Hapja e kufijve ishte një ngjarje që nuk njohu kthim dhe disa vite më pas u rrëzuan edhe muret e Luftës së Ftohtë." Në piknik, Hungaria planifikoi t'i hapte kufijtë me Austrinë për tre orë, në mënyrë simbolike, por qindra gjermanë lindorë, të cilët ishin mbledhur me shpresën për t'u arratisur, u turrën para se të bëhej hapja zyrtare. Rojet e kufirit hungarez kishin urdhër të qëllonin por ata nuk ndërhynë dhe e mbajtën kufirin hapur për disa orë, duke e kthyer këtë akt sot në një moment historik mes ngjarjeve që çuan në rënien e Murit të Berlinit. Brenda një muaji, më 11 Shtator, Hungaria i hapi zyrtarisht kufijtë me Austrinë dhe sipas historianëve, nga Nëntori, kur Muri i Berlinit ra, mbi 60,000 gjermanë lindorë kishin ikur përmes Hungarisë. "Pikniku çoi në një hapje të shkurtër të Perdes së Hekurt dhe ndikoi në rënien përfundimtare të saj si edhe në bashkimin paqësor të Gjermanisë," thotë në një deklaratë Presidenti i Komisionit Europian Hose Manuel Barroso. "Pikniku në Sopron shënoi në këtë mënyrë fillimin e fundit të ndarjes së Europës nga Lufta e Ftohtë." Presidenti hungarez Laszlo Solyom tha se pikniku ishte një hap përpara për gjithë.        Gusht 2009. Buletinin e plotë për muajin Gusht mund ta gjeni në format PDF duke klikuar këtu.

PRESIDENCA SUEDEZE MERR KRYESIMIN E BE Presidenca Suedeze nisi detyrën e saj të kryesimit të BE-së. Që nga 1 Korriku deri në fund të këtij viti do të jetë Suedia ajo që do të çojë përpara punën në BE. "Këto 6 muaj do të jenë plot gjallëri, por detyra që na del përpara nuk është e thjeshtë. Po pres të merrem edhe me çështje të tjera që vijojnë në vjeshtë," thotë kryeministri Suedez Fredrik Reinfeldt. "Ajo çka është më e rëndësishme është të jemi në gjendje që të reagojmë të gjithë tok ndaj sfidave apo kërkesave që kanë njerëzit dhe të shohim se ku mund të bëhet ndonjë ndryshim. Fjala është për krizën ekonomike që shkon paralel edhe me rritjen e papunësisë që për fat të keq po ndikon në gjithë Europën. Na del si detyrë t'i vëmë njerëzit në lëvizje të mëtejshme për çështjen e ndryshimit klimaterik. Këto janë prioritetet që do të dominojnë presidencën tonë", shton Fredrik Reinfeldt. Programi i Stokholmit Por ka edhe çështje të tjera me rëndësi me të cilat presidenca suedeze ka caktuar të merret gjatë kryesisë së saj. Një prej tyre është zhvillimi dhe forcimi i bashkëpunimit të BE-së në fushën e drejtësisë dhe punëve të brendshme në Programin e Stokholmit, me qëllim që të jetë në pozitë më të mirë për të luftuar krimin e organizuar.           Korrik 2009. Buletinin e plotë për muajin Korrik mund ta gjeni në format PDF duke klikuar këtu.